Алмаcбек Садырбай 1,2 млрд теңге жымқырды деген айыппен ұсталды

«Шаңырақ» қоғамдық бірлестігінің басшысы Алмаcбек Садырбайға мемлекеттен 1,2 млрд теңгеден астам қаражат жымқырды деген айып тағылуда, деп хабарлайды Orda.kz.

Қаржы мониторинг агенттігінің хабарлауынша, Садырбай жалған ауылшаруашылық кооперативтерін құрып, солар арқылы мемлекеттен заңсыз субсидия алды деген айып тағылып отыр.  Сонымен қатар,  агенттігік субсидия алуға өтінімдерде жалған мәліметтер, соның ішінде өтірік кадастрлық нөмірлер көрсетілгенін мәлімдеді. Сондай-ақ, жарияланған мәлімет бойынша ол басқарған адамдар  Балқаш, Еңбекшіқазақ, Кеген, Райымбек және Ұйғыр аудандарында жалған ауылшаруашылық кооперативтерін құрған екен.

«Ұсақ малды қолдан ұрықтандыруға арналған субсидияларды және мал азығына жұмсалған шығындарды өтеуге арналған қаражатты заңсыз алған. Бұл үшін заң талаптарына сай ауылшаруашылық жерлері жоқ шаруа қожалықтарын пайдаланды», делінген мониторинг агенттігі түсіндірмесінде.