Әлімханұлы «Канелоға» қарсы жекпе-жекке дайын екенін мәлімдеді

Бокстан WBO және IBF тұжырымдары бойынша әлем чемпионы Жәнібек Әлімахнұлы (15-0, 10 КО) мексикалық Сауль «Канело» Альвареске (61-2-2, 39 КО) қарсы жекпе-жек өткізетінін мәлімдеді.

 Бұл туралы Жәнібек Әлімханұлы өзінің Х парақшасында хабарлады.

Кәсіпқой боксшы чемпиондық атағын 13 шілдеде жаңа зеландиялық Андрей Михайловичке қарсы өткізеді. Әлімханұлының айтуынша, келесі қарсылас абсолютті әлем чемпионы болуы мүмкін.

«Мен 13 шілдеге ғана дайындалып жатқан жоқпын. «Канеломен» жекпе-жекке дайындалып жатырмын!», – деді Жәнібек Әлімханұлы.

Айта кетейік, бұған дейін бокстан орта салмақтағы қазақстандық әлем чемпионы, келесі жылы  мексикалыққа қарсы рингке шығуды жоспарлап отырғанын айтқан болатын.

Сауль Альвареске келетін болсақ, ол «абсолюттік» белбеуден айырылып қалу қаупі бар. Өйткені, ол IBF арқылы бекітілген қарсыласымен жекпе-жекке келісе алмады.