Алимент төлемегендерді қандай жаза күтіп тұрғаны белгілі болды

Маңғыстау облысындағы жеке сот орындаушыларының өңірлік палатасы әдейі алимент төлемей жүргендер қандай жауапкершілікке тартылатынын айтып, оларға қарсы арыз беру жолын ұсынды, деп хабарлайды Orda.kz.

Lada.kz үш айдан астам уақыт бойы алимент төлемеген борышкер әкімшілік немесе қылмыстық жауапкершілікке тартылатынын хабарлады. Бұған дейінгі бірқатар басқа да мәжбүрлеу шаралары (шотқа тыйым салу, жүргізуші куәлігін тоқтата тұру, елден шығуға тыйым салу) оң нәтиже бермеген.

Қазақстан Республикасының Қылмыстық кодексіне сәйкес борышкер келесі жағдайларға тап болуы мүмкін:

• 600 сағатқа дейін қоғамдық жұмыс;

• бас бостандығын екі жылға дейін шектеу;

• екі жылға дейін бас бостандығынан айыру.

Борышкер келесі жағдайдарда қылмыстық жауаптылыққа тартылуы мүмкін:

• балаларын немесе еңбекке жарамсыз ата-аналарын асырау бойынша алимент төлеу жөніндегі міндеттемелерді үш айдан астам орындамаса;

• алты айдан астам көмекке мұқтаж еңбекке жарамсыз жұбайын асырауға арналған қаражатты төлеуден жалтарса.

Төлемнен жалтарған адамды қылмыстық жауапкершілікке тарту үшін өндіріп алушының борышкерді жауапкершілікке тарту туралы арыз жазып, жеке сот орындаушысын таңдап, ішкі істер бөліміне борышкерді қылмыстық жауапкершілікке тарту туралы ұсыныс береді.

 Айыптау хаттамасы кәмелетке толмағандардың істері жөніндегі сотқа беріліп, содан кейін іс бойынша үкім шығарылады.