Алик Шпекбаев: мемлекет қызметкері қарапайым болуы керек!

Шенеуніктер мен олардың отбасыларының сәнді өмір салты мен осындай фотосуреттердің әлеуметтік желілерде жариялануы тұрғындардың сынына ұшырады. Қазақстан Республикасы Сыбайлас жемқорлыққа қарсы іс-қимыл агенттігінің төрағасы Алик Шпекбаевтың айтуынша, олар қарапайым болуы керек, деп хабарлайды ORDA.

«Сәнді курорттардан отбасылық фотосуреттер, қымбат брендтік дүкендерден сатып алынған киімдер, сәнді аксессуарлар, Қызыл кітапқа енген жануарлардың терілері мен қымбат көліктер - осының бәрі әлеуметтік желілердің меншігіне айналуда. Әрине бұл азаматтардың сынына ұшырайды. Қарапайымдылық мемлекеттік қызметшілердің міндетті мінез-құлық кодексіне айналуы керек. Бірінші кезекте әңгіме басшылық қызметтегі шенеуніктер мен олардың отбасы мүшелері туралы болып отыр», - деп баса айтты ол.