Әлия мен Мәншүк ескерткіші тұрған саябақты қалпына келтіру күзде аяқталатын болды

Алматы әкімі Ерболат Досаев Әлия мен Мәншүк кесенесі тұрған «Астана» алаңын қалпына жұмыстары 25 қазан Республика күніне дейін аяқталатынын мәлімдеді.

Бұл туралы Orda.kz хабарлады.

Жоба бойынша жаяу жүргіншілердің жолақтарын, демалыс аймақтарын, жарықтандыруды және фонтанды жаңартуы керек. Алайда 2022 жылы басталған жөндеу жұмыстары бірнеше дауға ұласты. Бірінші дау мерзімінен кешіктірген мердігерге қатысты болды. Ол 51 млн теңге айыппұл төлей отырып, сот шешімімен алаяқ мердігер ретінде танылды. Екінші дау қызыл кітапқа енген еменнің кесіліп, өрттен жойылған «Аққу» кафесін қалпына келтіру үшін пайдаланылғаны үшін болған еді.

Алматының Алмалы ауданы тұрғындарымен кездесуде Досаев Панфилов көшесін көріктендіру жоспарларын да айтты. Жұмыстар қыркүйекте басталып, күзде аяқталады. Сонымен қатар, Жібек жолы көшесінде  жаңа полиция пункті пайда болады.