«Алға, Қазақстан!» оппозициялық партиясының мүшесі «есірткі сату» күдігімен екі айға қамалды

Бұл туралы Айдар Сыздықовтың адвокаты Мейіржан Досқараев мәлімдеді, деп хабарлайды Orda.kz порталы.

«Айдар Сыздықовтан есірткі сатып алдым» деген кісі ақшаны Айдар Сыздықовтың банк картасына аударғанын айтқан. Адвокат «Бұл — жала» дейді. 

«Айдар Сыздықов 2021 жылы 405-баптың 1-2-тармағы бойынша сотты болып, бостандығы үш жылға шектелді. Қаржы мониторинг агенттігі оның ЖСН-ін бұғаттаған, сондықтан ол автоматты түрде банк картасын аша алмайды, біреуге сенім хат та бере алмайды. Мұны саяси қудалау деп есептеймін», — деді адвокат. 

Айдар Сыздықовты 16 мамырда қауіпсіздік қызметкерлері ұстаған.