Әлеуметтік желіде ер адамның әйелді аяусыз ұрып-соққан видеосы тарады

Аталмыш бейнежазбаны желіге «Дети под защитой» қоғамдық қорының жетекшісі Жанна Ахметова жүктеді, деп хабарлайды Orda.kz порталы.

«Тағы бір Салтанат есімді әйелді құтқару керек. Ол  11 жылдан кейін ажырасуға шешім қабылдаған. Күйеуінен әрең құтылған соң балаларын алып, Тараздан Алматыға көшкен. Енді ер адам экс-жұбайын аңдып, қайта оралуға мәжбүрлеп отыр. 1 сәуірде Life Town тұрғын үй кешенінде әйелге шабуыл жасап, телефонын сындырып, аяусыз ұрып-соққан. Балаларының анасын осындай күшпен ұруға бола ма?»—деп жазды белсенді. 

Алматы қалалық полициясы да бұл оқиғаға қатысты пікір білдірді.

«Бұл факт бойынша тексеру жүргізілді. Жиналған материалдар қылмыстық жауапкершілікке тарту үшін сотқа жіберілді»,— деп түсіндінді ПД өкілдері.