Әлеуметтік желіде блогерлерден қашып жүрген прокурордың видеосы тарады

Желіде алды-артына қарамай қашып жүрген прокурордың видеосы тарады, деп хабарлайды Orda.kz порталы.

Прокуратораның алдында темекі шегіп тұрған екі қызметкерлердің бұл қылығы блогерлерге ұнамаған. Кейін біреуі ғимараттың ішіне кіріп кетсе, екіншісі блогерлерден ат тонын ала қашып жүрген.

«Бір қызметкердің әрекеті бүкіл органның немесе ұйымның беделіне айтарлықтай нұқсан келтіруі мүмкін» делінген видеоның сипаттамасында. 

Желі қолданушыларының видеоға қатысты пікірлері екіге бөлінді.

Қоғамдық орында темекі бұйымдарын пайдаланғаны үшін 27 600 теңге айыппұл салынуы керек. Неліктен қарапайым халық жасамаған тірлігі үшін айыппұл төлеуі керек?", "Жігіттер басқа істейтін тірліктерің жоқ па? Неге артынан сонша қудыңдар? Неге мазақ етіп отырсыңдар? Жігіт жай ғана темекі тартты, ешкімді өлтірмеді. Өзін масқара етпес үшін тығылып қалғысы келген сияқты. Ал сіздерде істейтін басқа тірлік жоқ па?", "Видео авторы мен кадрлардың рас-өтірігін тексеру керек. Мүмкін блогер жақсылап тұрып өңдеген шығар" деп жазды желі қолданушылары.

Алматы облысының прокуратурасы мәлімдеме жасады.

«Қазір видеоға қатысы бар адамдардың барлығы анықталып, этикалық және басқа да құқық бұзушылықтар бар-жоғы тексеріліп, сарапталып жатыр. Тексеру нәтижелері бойынша прокурорлар мен басқа да тұлғалардың іс-әрекеттеріне құқықтық баға беріледі» деп хабарлады облыстық прокуратура.