Әлеуметтік қызмет көрсету орталығындағы тәртіпсіздік: 58 жастағы ақтөбелік алған жарақатынан мүгедек болып қалуы мүмкін

Ақтөбе полицейлері Әлеуметтік қызмет көрсету орталығы бөлімшесінде 58 жастағы адамның беті көгеріп, көзіне ауыр зақым келгені анықталған соң тергеуді бастады, деп хабарлайды Orda.kz тілшісі.

Полиция департаменті Қазақстан Республикасы Қылмыстық кодексінің 320-бабы «Қазақстан Республикасы заңнамасына сәйкес абайсызда науқастың денсаулығына орташа ауырлықтағы зиян келтiруге әкеп соққан көмек көрсетуге міндетті адамның дәлелді себепсіз науқасқа медициналық жәрдем көрсетпеуі» бойынша сотқа дейінгі тергеп-тексеруді бастағанын хабарлады. 

«Мекемеде орнатылған 36 бейнебақылау камерасы жазбалары пайдаланылып, орталық қызметкерлерінен жауап алынып, барлық медициналық құжаттар сұралды. Жедел-іздестіру шаралары қорытындысы бойынша құқықтық баға беріледі»  деп хабарлады полициядағылар.

Естеріңізге сала кетейік, бір күн бұрын Ақтөбедегі №2 орталық әлеуметтік қамсыздандыру орталығында психикалық дертке шалдыққан 58 жастағы ер адамның жарақат алғаны белгілі болды. Оқиғаның қалай болғаны әлі белгісіз. Медбике жәбірленушіні дәретханадан тапқан. Ер адамның туыстары жарақат туралы бірнеше күннен кейін ғана білген. Олар туыстарын не орталық қызметкерлері, не тазалықшы соққыға жыққанына сенімді.

Ер адам соңғы 13 жыл бойы жәрдем алып келген  әлеуметтік қызмет көрсету орталығы өз нұсқасын айтты. Олардың айтуынша, ол дәретханада сүрініп кетіп, плиткаға құлаған.

«Оған дереу алғашқы көмек көрсетіліп, оны хирург қарады. Офтальмологтың нұсқауымен бұл азамат өзімен бірге «Көз жарығы» емханасына көзінде ақау бар деген диагнозбен жіберілді» деп атап өтті мекеме.

Қазір жәбірленуші офтальмологиялық орталықта жатыр. Туыстары ер адамның асқынып кеткендіктен көрмей қалған сол көзі алынып тасталған болуы мүмкін дейді. Емханада зардап шегушіге іріңді жара, эндофтальмит диагнозы қойылды.

Ақтөбе облысы әкімдігі әлеуметтік мекемеде болған оқиғаға қатысты әрекетке кірісті. Шенеуніктер қызметтік тексеруді бастап та кетті.