Әлемнің үштен екі бөлігін 70-тен асқан қариялар басқарады

Шамамен 8 миллиард жер тұрғындарының 5,4 миллиарды 70 жастан асқан ерлердің басқаруында, бұл планета халқының 67,5%. Әйелдер небәрі 28 елді басқарады, деп BILD Russian статистикасы мәлімдегенін Orda.kz хабарлады.

Басылымның жазуынша, бүкіл әлемде, атап айтқанда, АҚШ, Ресей, Иран, Үндістан және Қытайда саяси билік егде адамдардың қолында.

Дональд Трамп 78 жаста, Владимир Путин 73 жаста, Си Цзиньпин 71 жаста, Масуд Пезешкян 70 жаста, Үндістан премьер-министрі Нарендра Моди 74 жаста.

Қазір жасы бойынша рекорд басында Камерун президенті Пол Бия, ол 91 жаста, 42 жыл қызметте. Дегенмен, Камерундағы орташа жас 18 жастан аз.

Әйелдер 380 миллион адамды басқарады, бұл әлем халқының 5%-нан азы. Бұған небәрі 28 мемлекет кіреді.

Олардың ішіндегі ең ірілері – Мексика мен Италия. Ең жас премьер-министр әйел Криструн Фростадоттир (Исландия). Ол небәрі 36 жаста.

Деректерді талдай отырып, BILD билеушілерді номиналды мемлекет басшылары деп санаған жоқ, керісінше шын мәнінде негізгі шешімдерді қабылдайтындар.

Айтпақшы, Қазақстан президенті Қасым-Жомарт Тоқаев 71 жаста.