«Әлемдегі ең мықты спортшылардың бірі»: Головкин Назым Қызайбайды құттықтады

Қазақстан ұлттық олимпиада комитетінің президенті Геннадий Головкин Назым Қызайбайды 2024 жылғы олимпиаданың қола медалімен құттықтады.

Бұл туралы ұлттық олимпиада комитеті хабарлады. 

«Назымды олимпиада ойындарындағы қола медалімен құттықтаймын! 
Назым көптеген жылдар бойы әйелдер боксының белгілі өкілдерінің бірі, команданың көшбасшысы және бокс жолындағы дебюттік олимпиадаға қарамастан, өзінің әлемдегі ең мықты спортшылардың бірі екенін тағы да дәлелдей алды. Сіздің жетістігіңіз көптеген жас спортшыларға ынталандыру  болсын және оларға өз ісіне берілу мен еңбекқорлық өз жемісін беретінін еске салсын. Қазақстан ұлттық олимпиада комитеті атынан Назымды, оның жаттықтырушысы Долкунжан Камековты және күллі қазақстандықтарды олимпиада ойындарының медалімен құттықтаймын», – деді Головкин.

Еске сала кетсек, Назым Қызайбай 50 келіге дейінгі санатта үшінші орынға ие болды. Бұл Париждегі дода оның олимпиада ойындарындағы алғашқы қадамы болды.