Әлемдегі ең қарт адам қайтыс болды

Әлемдегі ең егде жастағы адам ретінде Гиннестің рекордтар кітабына енген 117 жасар Мария Браньяс Морера қайтыс болды.

Бұл туралы DW хабарлады.

Мария Браньяс Морера — жарты жылдан астам уақыт бойы Гиннестің рекордтар кітабында әлемдегі ең егде жастағы адам ретінде тіркелген еді.

Оның қызының айтуынша, ұзақ ғұмырдың құпиясы — генде. Браньяс өмір бойы бір де бір рет ауруханаға жатып көрмеген.

Отбасы оның ақтық сапарға шығуы жайлы былай дейді:  

«Ол өз қалағанындай ұйқыда жатып, ауырмай көз жұмды», — деді жақындары. 

Отбасы оның соңғы жазбасын да жариялады.

 «Уақыт таяды. Жыламаңдар, Мен жылағанды ұнатпаймын. Бастысы, мен үшін қайғырудың қажеті жоқ. Қайда кетсем де, бақытты болатыным анық», — депті Мария Браньяс Морера жазбасында.

Енді қазір әлемдегі ең егде жастағы адам ретінде 116 жасар жапон әйел Томико Итоока тіркелді.