Әлем көз тіккен көшбасшылар салғыласуды қойып іске көшті: Трамптың атомдық сүңгуір қайықтары Ресей жағалауына қойылды ма?

АҚШ президенті Дональд Трамп Дмитрий Медведевтің «өте арандатушы» мәлімдемелерінен кейін «тиісті аймақтарға» екі атомдық сүңгуір қайық жіберуді бұйырғанын мәлімдеді, деп хабарлайды Orda.kz.

«Егер бұл ақымақ әрі арандатушы мәлімдемелер жай сөз емес болып шықса. Ауыздан шыққан әр сөздің орны бар. Ол күтпеген салдарға алып келуі мүмкін. Бұл жолы солай болмайды деп үміттенемін»  деп жазды Трамп Truth Social-дағы парақшасында. 

Кремль бұл мәлімдемеге қатысты әзірге пікір білдірген жоқ.

Ресейдің 2008–2012 жылдардағы президенті, қазіргі уақытта Қауіпсіздік кеңесі төрағасының орынбасары Дмитрий Медведев Батысты қатты сынға алатындығымен және Ресейдің Украинаға жасаған басқыншылығын қолдайтынымен танымал.

Трамп пен Медведев арасындағы салғыласу бірнеше аптадан бері жалғасып келеді. АҚШ экс-президенті Ресейге: 8 тамызға дейін Украинадағы соғысты тоқтатуды сұрап, өйтпеген жағдайда қатаң санкциялар енгізілетінін ескертіп, ультиматум қойған.

Бұған дейін де ол Ресей мұнайы мен тауарларына баж салығын енгізу туралы айтқан болатын.

Медведев мұны «театрлық ультиматум» деп атап, бейсенбі күні «жансыз қол» қаупі туралы ескерту жасады — сарапшылар мұны Ресейдің ядролық қарумен автоматты жауап қайтаратын жүйесіне сілтеме деп түсінді.

Ал Трамп Медведевті «орынсыз президент» деп атап, «аузына ие болуға» кеңес берді.

АҚШ пен Ресей — әлемдегі ең ірі ядролық арсеналға және баллистикалық, қанатты зымырандармен жабдықталған атомдық сүңгуір қайықтарға ие елдер.

Сүңгуір қайықтардың нақты қай жерде орналасқаны әскери хаттамаға сәйкес құпия болып отыр. Сонымен бірге, Трамп олардың атомдық, әлде ядролық  екенін нақтыламады. Кейін ол былай деп қосты:

«Қауіп төнді. Біз оны орынсыз деп бағаладық. Сондықтан өте абай болуға тиіспін. Бұл – менің халқымның қауіпсіздігі үшін жасалған қадам». 

Кейбір болжамдар бойынша, сүңгуір қайықтар мына үш аймақта орналасуы мүмкін:

• Атлант және Тынық мұхиттары — Ohio типіндегі зымыран тасығыштар осында кезекшілік етеді. Қазіргі таңда олардың сегізі — Вашингтон штатындағы Бангор базасына, алтауы — Джорджия штатындағы Кингс-Бэйге тіркелген;
• Еуропа жағалауы, Норвег және Баренц теңіздері — америкалық сүңгуір қайықтар одақтастармен бірлескен операциялар кезінде осы аудандарда жиі байқалады;
• Үнді-Тынық мұхиты аймағы — Жапония, Филиппин, Корея және Оңтүстік Қытай теңізі маңы. Мұнда АҚШ-тың Гуам мен Диего-Гарсия базалары бар.

Мамыр айында Трамп «Путин есінен адасты» деп мәлімдеп, Ресейге қарсы жаңа санкциялар енгізетінін айтқан еді.

Биылғы сәуір айының аяғында Владимир Путин мен Американың арнайы өкілі Стивен Уиткоффтың кездесуінен кейін Дональд Трамп Ресей мен Украина арасындағы қақтығысты реттеу жөніндегі мүмкін келісімнің көптеген ережелері келісілгенін мәлімдеген болатын. 

АҚШ президенті алдымен Қазақстандық импортқа 25 пайыздық тариф енгізетінін жариялады, артынша 100 пайыздық кедендік баж енгізіп, Ресейдің сауда серіктестеріне екінші санкциялар салатынын айтып қорқытты.

 Биылғы сәуір айында АҚШ президенті Дональд Трамп  185 елге баж салығын енгізді. Тізімде Қазақстан да бар.