Әлем чемпионатында қазақстандық спортшылар 19 медальді қоржынымызға салды

Индонезия астанасы Джакартада 10-14 желтоқсан аралығында ММА бойынша ересектер арасында әлем чемпионаты өтті. Қазақстандық спортшылар 19 медаль жеңіп алды, деп хабарлайды Orda.kz.

Турнир ГАММА аралас жекпе-жек жаһандық қауымдастығының қамқорлығымен өтті. Чемпионатқа 66 елден 920 спортшы қатысты.

Қазақстан құрамасы командалық есепте бірінші орынды иеленіп, әлемдегі ең мықтылардың бірі мәртебесін иеленді. Қазақстандықтар тоғыз алтын, үш күміс және жеті қола медаль жеңіп алды.

Алтын медальдар:

Ерназ Мұсабек (56,7 келіге дейін салмақ дәрежесі);
Мәжит Сардаров (74,9 келіге дейін);
Айдын Төлепбаев (79,4 келіге дейін);
Мансур Шахгереев (93,0 келіге дейін);
Зейнеп Оразхан (72,6 келіге дейін);
Әмір Алқанов (56,7 келіге дейін);
Сайран Сағындықов (65,8 келіге дейін);
Мейрамбек Әубәкіров (74,9 келіге дейін);
Аида Қайрулина (72,6 келіге дейін).

Күміс жүлдегерлер:

Әділбек Қайырғали (74,9 келіге дейін);
Нұркеш Анас (74,9 келіге дейін);
Меруерт Ибраев (65,8 келіге дейін).
Қола жүлдегерлер:

Әділ Сұлтанбеков (61,2 келіге дейін);
Нұрсұлтан Махметов (102,1 келіге дейін);
Бекназар Сағын (70,3 келіге дейін);
Темірлан Әйтімов (83,9 келіге дейін);
Манарбек Шайхенов (102,1 келіге дейін);
Ерасыл Сартбай (120,2 келіге дейін);
Рахат Маратханұлы (65,8 келіге дейін).