Алексей Цой жаңа қызметке тағайындалды

ҚР Президенті Әкімшілігінің Медициналық орталығында кадрлық ауыс-түйіс болды. Алексей Цой ұйымның басшысы болып қайта тағайындалды, деп хабарлады Қазақстан Республикасы Президенті Әкімшілігі Медициналық орталығы ауруханасының ресми сайты.

Ол бұған дейін бұл қызметті 2019 жылдың ақпанынан 2020 жылдың маусымына дейін атқарған.

Еске салсақ, Денсаулық сақтау министрі болған Цой 2021 жылдың желтоқсанында өз еркімен отставкаға кеткен. Бұдан кейін Денсаулық сақтау министрлігі бұл шешім оның басқа қызметке ауысуына байланысты қабылданғанын алға тартқан.

ҚР Президенті Әкімшілігі Медициналық орталығы ауруханасының директоры да ауысты. Басшылыққа Рустам Әлбаев келді. Бұған дейін ол «Орталық клиникалық аурухана» АҚ президенті қызметін атқарған.