Александр Новак: Батыстың Ресей мұнайынан бас тартуы бағаны көтереді

Батыстың ресейлік мұнайдан бас тартуы «баррельдің  300 долларға көтерілуіне әкеледі» деп болжайды  РФ Премьер-министрінің орынбасары.

Ресей премьер-министрінің орынбасары Александр Новак Ресейде экспортты қайта бағыттау мүмкіндігі бар екенін айтты.

Батыс елдерінің Ресейден келетін мұнай мен газдан бас тартуы бүкіл әлемдік экономикаға кері әсерін тигізеді, деп мәлімдеді РФ вице-премьері Александр Новак.

Оның айтуынша, Ресей қашанда еуропалық елдердің сенімді серіктесі болып, газ тұтынудың 40 пайызын сонда қамтамасыз еткен. Батыс елдеріне ресейлік импортты алмастыратын өнім табу үшін жылдар қажет.

Бұл ретте Ресей дәл қазір «Солтүстік ағын 1» арқылы газ тасымалдауға эмбарго қоюы мүмкін, бірақ әзірге олай болған жоқ. Ал Батыс елдерінің Ресейден келетін энергия ресурстарынан бас тартуы туралы әңгімелері дүрбелеңді күшейтіп, бағаның өсуіне әкеліп соқтырады, деп болжайды Александр Новак.

Александр Новак энергетиканың саясаттан тыс екенін, сондықтан Ресей мұнай жеткізудің максималды деңгейіне кепілдік беретінін, бірақ Украинаның арандатуын жоққа шығармайтынын айтты.

Сонымен қатар, вице-премьер Ресейдің Украинадағы Запорожье атом электр стансасына шабуыл жасамағанын атап өтті.