Александр Машкевичтің Лондонда зираты табылды

13 қараша 2025 13:30 Аиша Алдаяр

Фото: Getty Images

Белгілі кәсіпкер Александр Машкевичтің Лондон қаласының шетінде орналасқан еврей зиратында жерленгені белгілі болды, деп хабарлайды Orda.kz.

Кәсіпкердің құлпытасындағы жазулар иврит және ағылшын тілдерінде қашалып жазылған.

Естелік үшін.
АЛЕКСАНДР МАШКЕВИЧ
23.02.1954 – 22.03.2025
Біздің жарығымыз бен бағыт беруші жұлдызымыз.
Ол бізге сүйіспеншілікті мұра етті.
Ар-намысы мен адалдығы мол адам еді.
Жомарттығы мен мейірімділігі ұрпақтан ұрпаққа жалғасады.
Мәңгі жүрегімізде қалады.
Жаны жәннатта болсын.

Ал иврит тіліндегі бөлігі былай аударылады:

Құдайдан қорқатын адам,
Рабби Александр, Рабби Антон Машкевичтің ұлы.
Жаны жұмақта тыныштық тапсын.
Ол қасиетті сенбі күні, 5785 жылдың адар айының 12-сінде дүниеден өтті.
Ол игілік пен әділет істеріне үлес қосқан.
Құтқарылуға жақындатқан жан еді.
Жаны жұмақта болсын.

Еске сала кетейік, Eurasian Resources Group (ERG) және Евразиялық қаржы компаниясының (ЕФК) ірі акционері Александр Машкевич осы жылдың 22 наурызында өмірден өтті.

Жаңалықтар

барлық жаңалықтар