Алдын ала есептеу: Шымкентте жалған хаттамалардың қайдан шыққаны анықталуда

Шымкенттегі дауыстар саналған хаттамалар 18 наурыз күні кешке – сайлау қарсаңында желіде орналастырылды.

Наурыздың 18-і күні кешке Шымкенттегі бірнеше сайлау учаскелерінің қорытындысы сайлау басталғанға дейін есептелді деген күдік бар хаттамалар суреттері интернетте тарады, деп хабарлайды Orda.kz тілшісі.

«Хаттамалар» көшірмелерінде сайлау учаскелерінің нөмірлері мен сайлаушылар саны көрсетілген. Мәселен, № 66 сайлау учаскесінде олар 1654 адам дауыс беруге қатысқанын есептеп, тіпті кімнің кімге дауыс бергенін таратып жіберген. Сонымен қатар, үміткерлердің аты-жөні нақты адамдардың атымен сәйкес келеді.

— Бізге он түрлі хаттама келді, бірақ олардың екеуі ғана нақты болып шықты, олар  – № 10 және № 66 сайлау учаскелерінен. Бүгін таңертең аталған аудандар өкілдерінен алдын ала хаттаманың болмағандығын айтқан түсіндірме хат алдық. Тексеру жүргізіледі, - деді Шымкент қалалық аумақтық сайлау комиссиясының төрағасы Қайырбек Құнанбаев.

Үміткерлер де жағдайға алаңдауды. Осылайша, шымкенттік өзін-өзі ұсынған мәжіліс депутаты Өмір Шыныбекұлы мұндай арандатушылық назардан тыс қалмайтынына  сенімді.

— Маған хаттамалар сағат 23.00 шамасында whatsapp арқылы жіберілді. Алғашында сенбедім, кейін басқа кандидаттардың президентке видео үндеу түсіргенін көріп, мен де өз пікірімді білдіруді жөн көрдім. Менің ойымша, біреу мені немесе басқа кандидаттарды емес, мемлекет басшысына нұқсан келтіріп,  жағдайды тұрақсыздандыруға тырысады. Прокуратура мен құқық қорғау органдары оқиғаның мән-жайын анықтауы керек, - дейді Шыныбекұлы.

Шымкентте барлығы 330 сайлау учаскесі жұмыс істеп тұр. Мегаполистің 640 мыңға жуық тұрғыны дауыс бере алады.