Алдап алып кетті: Күйеуі Дина Таңсәрі қалай ұсталғанын айтып берді

«НеМолчи» қоғамдық қорының жетекшісі Дина Смаилованың Черногорияда қалай ұсталғанын жары Алмат Мұхамеджанов айтып берді, деп хабарлайды Orda.kz

Мұхамеджановтың айтуынша, Динаны Черногория Жоғарғы сотының шешімімен ұстаған. Пәтерлеріне келген екі полиция қызметкері  олардан тек сұрақ- жауап алу үшін бөлімге бірге жүруді өтінген, кейін босатамыз деген.

«Ештеңе ойламастан, жартылай үй киіммен шықтық. Біз енді Еуропадамыз ғой деп сендік. Бөлімге барсақ, «сіз қамауға алындыңыз»,- дейді. Қалайша, не үшін? Полиция өкілі Черногория Жоғарғы сотының шешімі барын айтып, ертең сағат 9:30-да экстрадиция жөніндегі сотқа жеткіземіз деп айтты».