Алдағы күндері Қазақстанда ауа райы қалай болмақ?

Синоптиктерді 19, 20 және 21 наурызда ауа райы қандай болатыны туралы болжам жасады, - деп хабарлайды Orda.kz порталы.

Алдағы күндері ауа райында жаңбыр күтілеуде. Қарағанды облысының оңтүстігінде 21 наурызда түнде қатты жауын-шашын, Маңғыстау облысының батысында және оңтүстігінде 20 наурызда күндіз қатты жаңбыр, Қызылорда облысында 21 наурызда, Түркістан облысында 20-21 наурызда, Жамбыл облысында 19, 20-21 наурызда түстен кейін қатты жаңбыр, Түркістан облысының таулы және тау бөктеріндегі аудандарында 21 наурызда қатты жаңбыр жауады деп болжанған.

Ал 20-21 наурызда Батыс Қазақстан, Атырау, Ақтөбе облыстарында, 21 наурызда Қостанай облысында жауын-шашынсыз ауа райы сақталады. Жел күшейеді, тұман, көктайғақ болады, солтүстікте және орталықта қар жауады, Қазақстанның оңтүстігі мен оңтүстік-шығысында найзағай күтіледі.

«Елдің басым бөлігінде ауа температурасы солтүстік жартысында түнде 7-18 аязға дейін, күндіз 6 градус аяз - 6 градус жылыға дейін, республиканың оңтүстік жартысында түнде 0-10 градус аязға дейін, күндіз 3-18 градус жылыға дейін біртіндеп төмендеуі күтіледі» делінген хабарламада.