Альберт Линдердің ісі бойынша ішкі тергеу басталды

Қазақстандық ауыр атлет Альберт Линдердің өліміне қатысты ауыр атлетика федерациясы пікір білдірді.

Бұл туралы Orda.kz хабарлады.

Еске салсақ, 17 қыркүйек 25 жастағы спортшы өзіне қол жұмсаған. Полиция тергеу жұмыстарын бастады.

– Кеше кешке ауыр атлетикадан ҚР құрамасының бұрынғы мүшелері, оның ішінде көз жұмған Альберт Линдердің ағасы әлеуметтік желідегі парақшасында құрама команданың жаттықтырушыларына сын айтып, шағым түсірді. Қазақстанның ауыр атлетика федерациясы бұл істі бақылауға алып, әр айыптау бойынша тексеріс жасауға ниетті. Жақын арада Федерация әрбір спортшымен байланысып, ішкі тергеу жүргізеді. Оның қорытындысы туралы қосымша ақпарат берілетін болады, - делінген ұйымның ресми хабарламасында.

Бұған дейін ауыр атлет Альберт Линдердің бауыры Семен Линдер медальдарын жерге көміп, оның өліміне кінәлілер туралы айтқан.

Альберт Линдер 1996 жылы 13 қаңтарда Талдықорған қаласында дүниеге келген.

2017 жылы 24 жасында Ашхабад қаласында өткен Азия чемпионатында Альберт топ жарды. Тамыз айында Универсиадада 69 келі салмақ дәрежесінде қанжығасына алтын медальді еншілеген.