Альберт Линдердің бапкері өзіне тағылған айыптарға жауап берді

cover

Жақында ғана өмірін суицидпен аяқтаған зілтемірші Альберт Линдердің және Қазақстан құрамасының бапкері өзіне тағылған айыптарға жауап берді.

Бұл туралы Orda.kz КТК арнасына сілтеме жасап хабарлайды.

Бапкер спортшының ауыр атлетикада болашағы зор болғанын айтты, бірақ Линдер ұлттық құрамадан кету туралы шешімді өзі қабылдаған. Мұның бәрі Рио Олимпиадасының алдында допинг-тестен басталған.

– Допинг-бақылаушы келіп, нөмірлер мен парақ береді. Спортшыға барлық нөмірленген ыдыстар береді. Ол бес бақылау тапсырды. Оның төрт бақылауы таза болды. Бесінші бақылау таза емес болып шықты. Сол үшін ол Олимпиада ойындарына қатыспады,- дейді Сергей Седов.

Жаттықтырушының айтуынша, Қазақстан құрамасы күрделі кезеңді бастан өткерген. Бұл Альберттің мінез-құлқына да әсер еткен сыңайлы.

– Ол адам танымастай өзгерген. Мен оны сол кезде босаттым. Біз онымен көп әңгімелесетінбіз. Спорттан кетіп, жұмыс істегім келеді, Риодағы жолды қайталағым келмейді дейтін. Оның бала кезден тағдыры қиын болды. Туыстары мені кінәләді деп айыптамаймын. Олар қайғыдан қан жұтып отыр ғой, - деді бапкер.

Ауыр атлетика Федерациясы ішкі тергеу жүргізіп, әр ауыр атлетпен сөйлесуге уәде берді. Альберт Линдердің өліміне қатысты полиция «өзін-өзі өлтіруге дейін жеткізу» бабы бойынша сотқа дейінгі тергеу бастады.

Жаңалықтар

барлық жаңалықтар