Қалаулымның бұрынғы қатысушысы халықтан араша сұрады

Қалаулым жобасының бұрынғы қатысушысы Бердах Бекетов халықтан араша сұрады.

22 қаңтар Бердахты полицейлер шеруге қатысқаны үшін алып кеткен.

Бердахтың жақындары президентке үндеу жолдап, ұлдарына араша болуды сұрады. Жас жігіттің өзі бастапқыда өткен бейбіт митингке қатысқанын мойындаған.

Еске салсақ, 4 қаңтар Алматыда бейбіт шеру өтіп, арты жаппай тәртіпсіздікке ұласқан.

«Алайда, ол ешқандай қылмысқа, бұзақылыққа барған жоқ, ешкімді тонаған жоқ. Жаралы адамдарды ауруханаға тасып, қолынан келген көмегін аямады» дейді Бердахтың отбасы.

Белгілі болғандай, оған екі бірдей бап бойынша айып тағылған. Қазір ол тергеу изоляторында.

 «Бекетов Бердахты 22 күні «митингке қатысты» деген айыппен бүгінгі күнге дейін тергеу изоляторында ұстап отыр. 21 күні дүниеге ұлы келді. Бөпесін перзентханадан шығара да алмады» дейді шарасыз отбасы.

Жас жігіттің өзі де темір тордың ар жағынан кінәсіз екенін айтып, хат жазған.