Алакөлде ер адамды гидроцикл қағып кетті

Шығыс Қазақстандағы Алакөл демалыс орнында жазатайым оқиға орын алды. Гидроцикл мінген әйел үрмелі матраста жатқан ер адамға барып соғылды. Салдарынан ер адам көз жұмды.

Бұл туралы Orda.kz хабарлады.

8 тамыз 27 жастағы әйел гидроциклдің рөлінде болған. Ол қауіпсіздік ережесін бұзып, рөлге ие бола алмай қалған. Салдарынан 40 жастағы ер адам мерт болған.

– 40 жастағы семейлік азамат сол жерде бірден жантәсілім етті. Оның 11 жастағы қызы түрлі дене жарақатымен ауруханаға жеткізілді. Қазіргі уақытта Үржар аудандық полиция бөлімінің тәртіп сақшылары ҚР Қылмыстық Кодексінің 344-бабы бойынша сотқа дейінгі тергеу амалдарын бастады, -делінген полиция департаментінің хабарламасында.

Қазіргі таңда іс бойынша сараптамалар тағайындалған.