Алаяқтар жаңа қосымша арқылы ақша ұрлайды

Алаяқтар қазақстандықтардың шоттарынан жаңа қосымша арқылы ақша ұрлай бастады. Бұл туралы толығырақ Ақтөбе облысының тәртіп сақшылары айтып берді, деп хабарлайды Polisia.kz.

Алаяқтар құрбандарын тез тауып, ес жиғызбай әрекетке көшетін көрінеді. Олар өздерін банк қауіпсіздік қызметінің адамдарымыз деп таныстырып, алаяқтықпен күресіп жатқандарын, жәбірленушілердің есепшоттарынан күдікті операциялар жасалып жатқанын айтады.

Олар адамдарға қасақана өтірік айтып,  ақшаны үнемдеу үшін ұялы телефонға RustDesk қолданбасын жүктеп алуды өтінеді. Шын мәнінде, бұл қосымша кейіннен смартфонға және тиісінше жәбірленушінің мобильді банкинг қосымшасына толық қол жеткізуге мүмкіндік береді. Банктік қосымшаға қол жеткізген қаскөйлер жалған шоттарға заңсыз операциялар жасайды. RustDesk қосымшасы Anydesk қолданбасына балама ретінде қызмет етеді.

Интернеттегі алаяқтық пен киберқылмыстың алдын алу бойынша жүргізіліп жатқан  шараларға қарамастан, алаяқтық саны азаймай отыр. Мәселен, жыл басынан бері тек Ақтөбе облысында  RustDesk бағдарламасы арқылы интернет алаяқтықтың үш фактісі тіркелген.

Мәселен, қалалық полиция бөліміне 44 жастағы жергілікті тұрғын хабарласып, оған телефон арқылы белгісіз біреу қоңырау шалып, өзін банктер қауымдастығының қауіпсіздік қызметкерімін деп таныстырып, оның банктік шотындағы күдікті операциялар туралы хабарлағанын айтқан. Азаматтың  жеке деректерін нақтылаған соң, қаскүнем RustDesk қосымшасын жүктеп алуды сұрап, оның көмегімен жәбірленушіге әртүрлі банктерде жалпы сомасы 4 миллион теңге несие берген.

«Құрметті азаматтар, егер олар сізге телефон соғып, банктің қауіпсіздік қызметкері болып танысатын болса, ешкім ешқашан сіздің картаңыздың деректемелерін сұрамайтынын және ұялы телефоныңызға келетін кіру кодтарын аударуды талап етпейтінін есте сақтаңыз. Олар ақшаны сізге бермейді, керісінше өздерінің қауіпсіз шоттарына жібереді. Айта кету керек, алаяқтар мобильді қосымшаларды пайдаланып, банктік байланыс орталықтарынан қоңырау шалу үшін өзінің абоненттік нөмірін өзгертеді. Мұндай жағдайларда телефон тұтқасын қойып, банк картасында немесе банктің веб-сайтында көрсетілген сенімді нөмірге қайта қоңырау шалу керек. Алаяқтық әрекеттер анықталса, дереу полицияға хабарласу қажет»,  деп ескертеді ақтөбелік полицейлер.