Алаяқтықтың шегі жоқ: Перизат Қайраттың тағы да бір алаяқтық схемасы анықталды

Перизат Қайрат мүмкіндігі шектеулі балаларға арналған орталыққа  жиналған қаражатты жымқырды деген күдікке ілінгенін айтты, деп хабарлайды Orda.kz.

Перизат Қайрат ісінде бара-бара көптеген алаяқтық пен тың мәліметтер ашылуда. Осыған дейін қайырымдылыққа деп халықтан жинаған ақшасына брендтерге белшесінен батқанынша дүние алғанын жазған болатынбыз. Енді тағы да бір алаяқтық схемасын қаржылық агенттігі тергеуде. Ол мүмкіндігі шектеулі балаларға арналған оңалту орталығын салуға қаражат жинау кезінде алаяқтық жасады деп күдіктенуде. 

Қаржылық мониторинг агенттігі мәліметінше,  2021 жылдың қараша айында күдікті мүмкіндігі шектеулі балалар мен олардың ата-аналарын тарта отырып, қайырымдылық аукционын ұйымдастырған. Ол Ақмола облысындағы «Батыр» қоғамдық бірлестігі үшін оңалту орталығын салуға қаражат жинайтынын жариялаған. Перизат Қайрат, аукцион жасап, 48 млн теңге жиналғанын және бірлестікке 100 млн теңге тұратын ғимарат сыйға берілгенін айтқан. Алайда тергеу нәтижесінде анықталғандай, тек 22 млн теңге жиналғаны, ал бұл қаражаттың өзге мақсатта жұмсалғаны анықталды.  

«Оған қоса, ол бірлестік қажеттілігі үшін 30 млн теңгеге жер телімі сатып алынғанын айтқан. Алайда шын мәнінде бұл жер телімін бірлестік 2019 жылы сатып алғаны белгілі болды. Оңалту орталығының құрылысы басталмаған, ал орталыққа деп сыйға берілді деген ғимарат мүлде жоқ», деп мәлімдеді деведомство.

Сонымен қатар Перизат Қайраттың әрекетінен зардап шеккен азаматтар болса қаржылық мониторинг агенттігі хабарласуды сұрайды.