Алаяқтар Жетісуда 100 млн теңгеден аса ақша жымқырды

Жетісу облысында азаматтарды алдап, ұрланған ақшаны қолма-қол ақшаға айналдырып отырған ауқымды қылмыстық топ әшкереленді.

Бұл туралы Жетісу облыстық прокуратурасы хабарлады.

Күдіктілердің тұрған жерін тінту кезінде 35 ұялы телефон, 135 SIM-карта, екі пневматикалық тапанша және үш қымбат автокөлік табылды. Қазіргі уақытта сотқа дейінгі тергеу жүргізіліп жатыр.

«Құқық қорғау органдарының қызметкерлері жедел тергеу шараларына кірісіп кетті. Жәбірленушілер анықталып жатыр.
Қазіргі таңда 70 жәбірленуші анықталды. Олардың жалпы шығыны 100 миллион теңгеден асып түсті», — деді Жетісу облыстық прокуратурасы.

Алайда, құқық қорғау органдарының айтуынша, жәбірленушілердің саны одан да көп болуы мүмкін.