Алаяқтар өз сайтын Ұлттық банк парақшасы ретінде жасырды

Жетісу облысының прокуратурасы Ұлттық банктің жалған сайтын бұғаттады, деп хабарлайды Orda.kz.

Жалпы алаяқтардың сайтына 5 сілтеме бар, оның 3-еуі YouTube-та қалған 2-еуі сайт болған.

«Аталған интернет-ресурстар мен бейнероликтер ойдан шығарылған сілтемелермен жасалды. Олар пайдаланушыларға инвестиция арқылы жинақ ақшасын ұлғайтуды  ұсынды»,  деп мәлімдеді ведомство.

Сайт өзін ҚР Ұлттық банкі құрған ұйым ретінде таныстырды. Қылмыскерлер дизайнда мемлекеттік реттеушінің логотипі мен фирмалық түстерін қолданған. Алаяқтар бұндай жағдайда ескі әдісті қолданады. Басқа алаяқтардан ұрланған ақшаны қайтаратыны туралы уәде береді.

Қазақстан Ұлттық Банкі жеке тұлғаларға қызмет көрсетпейтінін және халықпен ақшалай есеп айырысулар жүргізбейтінін 2022 жылы ескерткен болатын.