Алаяқтықтың жаңа түрі: инстаграм арқылы қарыз жою ұсынылады

Азғантай ақыға көп қарызыңызды жоқ қылып жіберетін «борыш жоюшылар» өздерінің алаяқтық қызметтерін енді біздің елімізде сынап жатыр, деп хабарлайды Orda.kz

Олар инстаграмдағы белгілі бір парақшадағы тіркеуді түзетуді ұсынады, содан кейін барлық қарыздар есептен шығарылатындығына сендіреді. Неғұрлым көп қарызды жою қажет болса, олардың алатын ақысы да соғұрлым жоғары болады.

— 1,2 миллион теңгені есептен шығару үшін 80 мың сұрады. «Жігіттерге» тек аты-жөніңіз, ЖСН және телефон нөміріңіз қажет. Олар Украинадан жұмыс істейді, Монобанк шығарған картаның нөмірін береді, - деп хабарлайды @FINANCEkaz Telegram арнасы.

Алаяқтық төлем бағдарламасының тұзағына түсіп қалмас үшін олардың қалай жұмыс істейтінін білуіңіз қажет.

— Алаяқтарға тек сіздің телефон нөміріңіз қажет. Олардың қызметтерін төлегеннен кейін сізге SMS жіберушіні өзгертетін қызметті пайдаланып несиеңіз өтелгені және сізде басқа қарыз жоқ екендігі туралы хабарлама жіберіледі. Әрине, несие қайтарылмаған, бірақ сіз оны білген кезде олардың орнын сипап қаласыз, - деп жазады басылым.

Басылым алаяқтардың өте жақсы дайындалғанын айтады, өйткені олар Қазақстанда мақсатты түрде таңдап алып,  жарнама бастады. Сонымен қатар  олар СТН (салық төлеушінің нөмірі) мен ЖСН (жеке сәйкестендіру нөмірі) арасындағы айырмашылықты біледі.