Алаяқтар WhatsApp арқылы адамдарды қалай алдап, аңдиды

WhatsApp қосымшасын Android операциялық жүйесі негізінде пайдаланатындарға өзгерістер енгізіледі. Енді смартфон иелері құрылғыны 2.21.4.18 нұсқасынан жаңартуы керек, себебі қашықтан бұзу қаупі бар.

Бұл туралы Orda.kz.  Census IT Security Works IT-компаниясының сайтына сілтеме жасап хабарлады.

Census бағдарламашылары Android үшін WhatsApp 2.21.4.18-ге дейінгі нұсқаларда пайдаланушылар иесінің құпия деректері  қол жетімді болуы мүмкін екенін мәлімдеді. Себебі хакерлер хат-хабарламаларға қашықтан қол жеткізіп қана қоймай,  пайдаланушыны сырттай бақылай алады.  Сондай-ақ, алдау мақсатында екі адамның әңгімесіне  араласуға да мүмкіндіктері бар.

Census Android телефондарындағы барлық жедел хабар алмасу пайдаланушыларына қосымшаны 2.21.4.18 немесе одан жоғары нұсқаға жаңартуды ұсынды. Сарапшылар тапқан осал тұстар деректер қауіпсіздігі тұрғысынан маңызды мәселе екенін айтады.

Ал WhatsApp Қазақстандағы ең танымал мессенджер екендігі баршаға мәлім. Қосымшаны пайдаланушыларға жаңа пайдалану ережелері мен құпиялылық саясатына байланысты өшіру мүмкіндігі туралы ескертілді.