Алаяқтар Байқоңырда жоғалған баланы табуға ақша жинап жатыр

cover

ҚР Төтенше жағдайлар министрлігінің баспасөз қызметі қазақстандықтарға жоғалған жеті жасар баланы табуға қаражат жинап жатқан алаяқтар туралы ескертті, деп хабарлады ORDA.

– Ерхан Нұрәлінің ата-аналары сүңгуірлердің жұмысына ақы төлеу үшін көмекке мұқтаж. Бір сағаттық жұмыс 25 мың теңге тұрады. Сүңгуірлердің жұмыс істеп жатқанына екі күн болды. Бұл өте көп қаржы. SOS, деген хабарламаны таратып жатыр.

Төтенше жағдайлар министрлігі Қызылорда облысы Төтенше жағдайлар департаменті жүргізетін барлық іздеу-құтқару іс-шараларына қаражат мемлекет есебінен қамтамасыз етілетіндігін айтты.

– Сондықтан біз сізден жоғарыда аталған алаяқтардың жалған ақпаратына, сондай-ақ тексерілмеген ақпаратқа сенбеулеріңізді өтінеміз, деді департамент.

Сонымен қатар, Төтенше жағдайлар министрлігі алаяқтық жасағаны үшін ҚР Қылмыстық кодексіне сәйкес қылмыстық жауапкершілік қарастырылғанын еске салды.

20 ақпанда түстен кейін жеті жасар екі бала «Маяк» спорт кешеніндегі жаттығудан кейін үйлеріне оралмады.

Кейіннен спорт кешені ғимаратынан 200 метр қашықтықта ағып жатқан Сырдария өзенінен бір баланың мәйіті табылды.

Ресей тергеу комитеті бүлдіршіннің өліміне суға бату кезінде тыныс алу жолдарының сумен жабылуына байланысты механикалық асфиксия себеп болғанын хабарлады.

Қазіргі уақытта екінші баланы табуға бағытталған Байқоңыр қаласының тұрғындарынан авиациялық техниканы, сүңгуірлерді, еріктілерді тарта отырып, тергеу әрекеттері, жедел-іздестіру және іздестіру жұмыстары жалғасуда.

Бүгін өткен сенбіде жоғалып кеткен жеті жасар баланы іздеуге жүздеген адамның қатысқаны белгілі болды.

Жаңалықтар

барлық жаңалықтар