Алаяқ Абай облысы тұрғындарына жалған жанармай талондарын сатқан

Алаяқ Абай облысында жалған жанармай талондарын сатып, миллионға байыған, деп хабарлайды Orda.kz.

Абай облысының полициясы «Hi-Tech» іздестіру шаралары аясында азаматтарға автокөлік жүргізушілеріне арзан жанармай сатып,  «ақша жасап жатқан» алаяқтар туралы ескертті. Сонымен, облыс полицейлеріне осындай шағыммен алты азамат жүгінген. Алаяқтар өздерін кәсіпорындардың бірінің қызметкерімін немесе шарап-арақ зауытының экспедиторымын деп таныстырған.  Жас жігіттің  көлік жүргізушілеріне 260 теңгеден дизельдік отын қағазын ұсынғаны туралы хабарланды.  Азаматтар жалған талон сатып алғанын жанар-жағармай құю бекеттерінде көліктеріне жанармай құя  алмаған кезде анықтаған.

«Алаяқтық әрекеттері нәтижесінде жас жігіт 1 миллион теңгеге байып үлгерген. Қазір 31 жастағы күдіктінің үстінен ҚР Қылмыстық кодексінің 190-бабы «Алаяқтық»  бойынша сотқа дейінгі тергеу басталды. Ендігі жерде  осыған ұқсас қылмыстарға қатыстылығы тексерілуде», - деп хабарлады ІІМ. 

Еске салайық, бұған дейін Ақтөбенің қылмыстық соты жанармай сататын компанияның менеджерін жеті жылға бас бостандығынан айырған болатын. Іс материалдарына сәйкес, 30 жастағы ақтөбелік жанармай сататын компанияға корпоративтік клиент менеджері болып жұмысқа орналасқан. Ол  кәсіпорынды тонаудың схемасын ойлап тапқан.

 Біріншіден, жауапкер компанияның контрагенттерімен жалған сатып алу-сату шартын жасап, оларға жанармай талондарын сатты деген жалған мәліметтерді ақпараттық жүйеге енгізген. Шындығында, жалған қағаздар өзінде  болды. Менеджер оларды досына сатып, ақшаны өзіне қалдырған.