Алаяқ 700 мың теңгеге мүгедектігін тіркеймін деп уәде берген

Түркістан облысында алаяқ құрбысының мүгедектігін тіркеуге көмектесемін деп уәде берген.

Облыстық полиция департаментінің хабарлауынша, полицияға жергілікті тұрғын хабарласқан.

Ол құрбысының мүгедектік зейнетақысын алуға көмектесуге уәде еткенін айтқан.

Алаяқ қызметін 700 мың теңгеге бағалаған. Жәбірленуші бір жылдан астам уақыт күткен, бірақ нәтиже болмаған. Полиция бұл фактіні ҚР Қылмыстық кодексінің 190-бабы «Алаяқтық» бойынша тіркеген.

Жедел іздестіру шараларының нәтижесінде тәртіп сақшылары күдікті жұмыссыз әйелді тұрғылықты жері бойынша ұстады.

«Қазіргі уақытта аталған факті бойынша сотқа дейінгі тергеу амалдары жүргізілуде. Белгілі болғандай, ол ақшаны өз қажеттіліктеріне жұмсаған» делінген Түркістан облысы полиция департаментінің баспасөз қызметі хабарламасында.