Қалай бала зорлау бойынша 18 эпизодпен тіркеліп, бостандықта жүруге болады?

Қарағандының қылмыстық істер жөніндегі мамандандырылған ауданаралық сотында 18 қылмыс жасаған педофилге үкім шықты. Қылмыскермен бірге, оның досы мен қызы сотталды. Олар қылмысты жасырғаны үшін айыпталуда. Кәмелетке толмағандарға қатысты ауыр қылмыс жасағаны үшін ұсталған Қарағанды облысы Бұқар Жырау ауданының тұрғыны 26 жылға бас бостандығынан айырылды.

Сотталушының Қылмыстық кодекстің 120-бабы ("зорлау"), 124-бабы ("жас балаларды азғындық жолға түсіру") және 121-бабы ("сексуалдық сипаттағы зорлық-зомбылық әрекеттері") бойынша он сегіз қылмысы дәлелденді.

"Сотталушы Қылмыстық кодекстің 120, 121 және 124-баптары бойынша кінәлі деп танылсын және барлық жүктелген қылмыстың жиынтығы бойынша төтенше қауіпсіз мекемеде жазасын өтей отырып, 26 жыл бас бостандығынан айыру түріндегі жаза тағайындалсын. Алғашқы бес жылды толық қауіпсіз мекемеде өтейді", - деп Қайрат Қасымов үкім шығарды.

Сонымен қатар, қылмыскердің досы мен оның қызына да үкім шығарылды. Екі әйел ер адамның аудандағы екі қызға қатысты бірнеше рет қылмыс жасағанын білген, алайда бұл туралы полицияға хабарламаған. Сот тыңдаулары барысында екі сотталушы да әрекетіне өкінетінін айтты. Соған байланысты оларға екі жылға бас бостандығын шектеу жазасы тағайындалған.

Айта кетсек, 2020 жылдың 1 қыркүйегінде ҚР Мәжіліс депутаттары жаңа жобаны қолдаған. Жобаға сәйкес, педофилдерге рақымшылық жасамайды және мерзімінен бұрын босату құқығынан айырады.