Әл-Бейне Зарипованы айуандықпен өлтірген күйеуі 15 жылға сотталды

Алматы қаласының қылмыстық істер жөніндегі сот алқасы Әл-Бейне Зарипованы өлтіргені үшін 15 жылға бас бостандығынан айыру жазасына кесілген Сабыржан Зариповтың үкімін өзгеріссіз қалдырды, деп хабарлайды Orda.kz.

Бірінші сатыдағы сот үкіміне келіспеген Зарипов қылмысты «Аффект жағдайында адам өлтіру» бабына қайта саралауға үміттеніп, апелляциялық шағым түсірген болатын. Егер шағымы қанағаттандырылса, оның жазасы үш жылға дейін қысқаруы мүмкін еді. Алайда апелляциялық сот алғашқы шешімді күшінде қалдырып, оның үкімін өзгертпеді.

Бастапқы үкім 25 қыркүйекте шығарылған болатын, енді Зарипов орташа қауіпсіздік колониясында жазасын өтейді.

Еске сала кетсек, Әл-Бейне Зарипова «тозаққа қайтып бара жатырмын» деп анасына хат жіберген болатын. Расымен азап көріп қайтыс болған әйелдің оқиғасы жайлы мына сілтемеден оқыңыз.