«Алғаш рет»: Алматыда нағыз батыр дүниеге келді

Алматыдағы перинатология және балалар кардиохирургиясы орталығында салмағы 6 келі 280 грамм, бойы 66 сантиметр болатын батыр дүниеге келді.

ҚазАқпараттың хабарлауынша, сәби 40 аптада кесар тілігі арқылы дүниеге келген.

«Анасының жағдайы қазір қанағаттанарлық. Бұл оның тұңғыш баласы, жасы 20-да. Баласы қасында. Жаңа туған нәрестенің дені сау, ол дәрігерлердің бақылауында» дейді орталық директоры Гүлнәр Нұрланова.

Директордың айтуынша, бұл Перинатология және балалар кардиохирургиясы орталығында дүниеге келген балалардың ең ірісі.

«Бізде ірі балалар болған. Соңғы рет салмағы 5 келі 800 грамм жаңа туған нәресте дүниеге келген, бірақ 6 келі 280 граммдық сәбидің біздің орталықта дүние есігін ашуы алғаш рет» дейді Гүлнәр Нұрланова.