Ақтөбелік пәтерін жөндеу кезінде жұбайын соққыға жықты

Ақтөбелік ер адам пәтер жөндеу кезінде әйелін соққыға жығып сотталды.

Бұл туралы «Диапазон» хабарлайды.

Әйелдің қабырғасы сынған, өкпесі көгерген деген диагноз қойылды, бірақ ол күйеуін жазаламауды өтінді. Ерлі-зайыптылар пәтерде жөндеу жұмыстарын жүргізіп жатқан, екеуі де мас болып, төбелескен.

Жанжал кезінде ер адам әйелінің бетінен бір рет, денесінен бірнеше рет ұрған. Оның денсаулығына ауыр зақым келгені анықталды. 3 қабырғасы сынған және оң жақ өкпесі жараққаттанған деген диагноз қойылды.

Зорлық-зомбылық жасаған адам денсаулығына ауыр зиян келтірді деген айып тағылып, сот отырысында қаралды.  Жәбірленуші соттан күйеуін қылмыстық жауапкершіліктен босатуды сұрағанымен, сот басқа шешім қабылдады.

Сот 54 жастағы ақтөбелікті үш жылға бас бостандығынан айырды.