Ақтөбедегі кәсіпорынға 2,9 млрд теңге айыппұл салынды

Ақтөбедегі кәсіпорынға табиғатты ластағаны үшін 2,9 млрд теңге айыппұл салынды, деп хабарлады Orda.kz бас прокуратураға сілтеме жасап.
 
Ақтөбенің Хромтау ауданында табиғат қорғау прокурорлары «Восход Хром» ЖШС-нің қызметінде хром кенін өңдеу кезінде жіберілген бұзушылықтарды анықтады. Атап айтқанда, кәсіпорын 2022 жылы міндетті экологиялық рұқсатсыз жұмыс істеген.

Атмосфераға 52 тоннадан астам ластаушы заттардың қалдықтары (бейорганикалық шаң, 3 валентті хром, магний оксиді және т.б.), сондай-ақ жалпы 395 мың тонна көлемінде  ірі кесек және байыту қалдықтары нормадан жоғары, яғни заңсыз деп танылды.

Кәсіпорынға қызметін экологиялық рұқсатсыз жүзеге асырғаны үшін, 2,9 млрд теңгеден астам айыппұл салынды. Серіктестікті әкімшілік жауапкершілікке тарту туралы қаулыға сот тәртібімен шағым жасалды.

Облыстық соттың бірінші және апелляциялық сатылары айыппұлды заңды деп таныды.