Ақтөбедегі қайғылы оқиға облыс әкімінің жіті бақылауында

Ақтөбе облысының әкімі Асхат Шахаров бұрынғы жігіті тұтқынға алған әйелдің оқиғасына қатысты пікір білдірді, деп хабарлайды Orda.kz.

Бұл туралы әкім өзінің Facebook парақшасында жариялады.

«Бұл жағдайға қатысты қылмыстық іс қозғалып, тергеу амалдары жүргізіліп жатқанын айтқым келеді. Құқықтық бағасын құзырлы органдар беретін болады», – деді әкім. 

Әкімнің сөзінше, қайтыс болған адамдардың жерлеу рәсіміне қажетті көмек ұйымдастырылады. Сондай-ақ әкім бұл істе кәсібилік танытқан полиция қызметкерлеріне алғысын айтты.

«Қауіпсіздік шаралары өз бақылауымда», – деп қортындылады Шахаров.

Айта кетейік, Ақтөбе қаласында түнгі уақытта белгісіз ер адам бұрынғы қызын кепілдікте алып, қыздың ата-анасы жансақтау бөлімінде көз жұмған болатын. Көп ұзамай ер адам ұсталды.