Актөбеде жаңа көліктер тиеген жүк көлігі өртенді

Актөбе облысында жаңа көліктер тиелген автовоз өртенді. Оқиға Самара – Шымкент тас жолында, Қобда ауданында болды. Жүк көлігінде 6 жеңіл көлік болды, деп хабарлайды Orda.kz.

Өрт көліктің мотор бөлігінен басталып, кейін көлік тиелген платформаға өткен. Өрт сөндірушілер 3 жеңіл көлікті жалыннан аман алып қалған. 

ТЖМ баспасөз қызметінің хабарлауынша 28 жастағы автовоз жүргізушісі өртті өзі сөндіруге тырысқан. Оған жолда өтіп бара жатқан Қырғызстанның 30 жастағы азаматы көмекке келген. Садарынан екі азаматты күйік шалды. Қазіргі таңда олар аудандық ауруханаға жеткізілді.

«2 науқас та Қобда аудандық ауруханасына жатқызылды. Олардың беті мен қолдарын жеңіл дәрежеде күйік шалған. Қажетті ем алуда»,  деп мәлімдеді облыстық денсаулық сақтау басқармасы.