Ақтөбеде төрт күннен бері аутизммен ауыратын бала табылмады

Ақтөбеде 4 маусым күні жоғалып кеткен 13 жастағы Кәрім Жетіруды таба алмай жатыр.

Бұл туралы Orda.kz тілшісі хабарлайды.

Баланы іздеу төрт күн бойы жалғасуда. Белгілі болғандай, жасөспірім 4 маусым күні кешкі сағат 5-те  Заречный ауылындағы үйінен шығып кеткен.

«Іздестіру жұмыстарына 500-ге жуық адам жұмылдырылды. Оның ішінде полиция қызметкерлері, төтенше жағдайлар қызметі және еріктілер. Іздеуге қызметтік иттер мен 40 техника, үш квадроцикл, екі қайық, аттар, дрондар пайдаланылады. Дүкендер мен сауда орталықтарында, тамақтандыру орындарында  және басқа да жерлерді қарау жұмыстары жүргізілуде», – деді Ақтөбе облыстық полиция департаменті.

Полицейлер сотқа дейінгі тергеу амалдарын жүргізуде.