Ақтөбеде таксиші жаяу жүргіншілер өткелінде жасөспірімді қағып кетті

Ақтөбеде Әбілқайыр хан даңғылында ауыр жол-көлік оқиғасы болды. 2005 жылы туылған таксист Chevrolet автокөлігін жүргізіп бара жатып, жаяу жүргіншілер жолағынан өтіп бара жатқан 15 жастағы баланы қағып кетті, деп хабарлайды Orda.kz.

 «Оқиға 25 қазанға қараған түні болды. Соқтығыстан соң жүргізуші басқаруды жоғалтып, тағы да үш көлікке соғылған» деп түсіндірді жол полициясы баспасөз қызметі. 

Миы шайқалып, тізесі сынған бала ауруханаға жеткізілді. Жүргізушінің өзі де ауруханаға жатқызылды, ол да түрлі жарақат алған.

 «Біз апаттың барлық жағдайларын анықтаған соң түсініктеме береміз», деп хабарлады жол полициясы баспасөз қызметі. 

Полиция жүргізушілерді әсіресе түнде өтпелі жолдарда мұқият болуға, ал жаяу жүргіншілерге көліктердің тоқтағанына көз жеткізбей жолға шықпауға шақырды.

Алматы облысынд қызметтік көлікпен аңға шығып, апатқа ұшыраған әкімге қатысты қылмыстық іс қозғалды.