Ақтөбеде су тасқынынан кейін әскерилер дезинфекция жұмыстарын жүргізеді

Ақтөбеге «Оңтүстік» өңірлік қолбасшылығына қарасты радиациялық, химиялық және биологиялық қорғаныс бөлімшелерінің 50-ден астам әскери қызметкері келді.

Бұл туралы Қорғаныс министрлігінің баспасөз қызметі хабарлады.

Әскерилер өздерімен бірге қала әкімдігіне су тасқынының салдарын жоюға көмектесуге арналған 16 техника әкелді. Әскери қызметкерлердің негізгі міндеттеріне дезинфекциялау және су тасқынының салдарын жою кіреді.

Қорғаныс министрлігінің мәліметінше, су тасқынынан кейінгі аумақтарды дезинфекциялау жұмыстары дүйсенбі, 22 сәуірде басталады.