Ақтөбеде өгей атасынан жүкті болған қыздың ісі бойынша сот шешімі шықты

Ақтөбеде кәмелетке толмаған қызды зорлады деп айыпталған 64 жастағы Ойыл ауданы орталығының тұрғынына қатысты сот процесі аяқталды, деп хабарлайды Orda.kz.

Еске салар болсақ, Ойыл ауданында мектепте сабақ кезінде 14 жастағы оқушы қыз іші ауырғанын айтып жылаған. Артынша оның жүкті екені және толғақ қысып жатқаны белгілі болды. Оқушы босанған күнге дейін оның жүктілігін ешкім білмеген. Тек ауруханада ғана дәрігерлер оның жүкті екенін анықтаған.

Тергеу барысында сәбидің әкесі 64 жастағы зейнеткер екені белгілі болды. Ол жас ананың туған әжесіне үйленген өгей атасы болып шықты. Сот отырысы жабық режимде өтті. 3 ақпанда сотталушыға үкім шығып, 21 жылға бас бостандығынан айыру жазасы тағайындалды. Журналистердің айтуынша, зейнеткер үкімді ерекше сабырмен тыңдаған.

«ҚР ҚК 120-бабының 4-бөлігі бойынша кінәлі деп танылып, 20 жылға бас бостандығынан айыру жазасы тағайындалсын, сондай-ақ ҚР ҚК 124-бабының 3-бөлігі бойынша кінәлі деп танылып, 12 жылға бас бостандығынан айыру жазасы белгіленсін. Баптардың жиынтығы бойынша түпкілікті жаза ретінде 21 жыл бас бостандығынан айыру тағайындалсын», – деп оқыды үкімді судья Алтынбек Сабыров.

Оқи отырыңыз:

• 15 жастағы қызды жүкті қылған 71 жастағы туысының ісін жылы жапқан полицейлер тексерілуде
• Ақтөбе облысында келінін зорлаған қайын ата 8 жылға сотталды
• Жамбылда 68 жастағы ер адам немересін зорлады деген күдікке ілінді