Ақтөбеде найзағай тиген ер адам көз жұмды

Ақтөбеде ферроқорытпа зауытының 35 жастағы қызметкері әріптестерінің көз алдында қаза тапты. 

Бұл туралы Батыс Қазақстанның ақпараттық сайты Мой город хабарлады. 

Жазатайым оқиға 8 тамыз күні кешкі уақытта зауыт ауласында болған. Жұмысшылардың айтуынша, ер адам кешкі астан кейін сыртқа шыққан, әріптестері оны терезеден найзағай түсіп, құлап қалғанын көрген. 

Найзағайдан қайтыс болу фактісін жедел жәрдем қызметкерлері де растады. Дәрігерлер зауытқа келіп, ер адамның қайтыс болғанын мәлімдеді. 

Ақтөбе ферроқорытпа зауыты Eurasian Resources Group компаниялар тобына жататын «Қазхром» компаниясына тиесілі.