Ақтөбеде мұғалім мен студент бірігіп кісі өлтірді

Ақтөбеде мектеп мұғалімі мен колледж студентіне кісі өлтірді және есірткіні заңсыз дайындады деген айып тағылды, деп хабарлайды Orda.kz Halyqstan-ға сілтеме жасап. 

Атырау көпсалалы колледжінің студенті Мейрамбек Сүйінғарин және Ақтөбедегі элиталық мектептердің бірінде тарих пәнінен сабақ беретін мұғалім Дархан Жетпісбаевтың ісін Ақтөбе облысының қылмыстық істер жөніндегі мамандандырылған ауданаралық соты қарады. 

«Күдікті Мейрамбек Сүйінғарин және  Дархан Жетпісбаев кісі өлтірді, сондай-ақ есірткіні, психотроптық заттарды сату мақсатында заңсыз өндірді деп айыпталып отыр. Олар есірткі заттарын өңдеп, дайындап, сатылымға шығарған» делінген хабарламада. 

Тергеу мәліметтері бойынша, студент Сүйінғарин мен оның туысы Жетпісбаев арнайы зертхана дайындап, синтетикалық есірткі жасаған. Сонымен қатар олардың жергілікті тұрғынды өлтіруге тікелей қатыса болуы мүмкін.