Ақтөбеде бюджет қаражатын букмекерлік кеңселерге жұмсағандар анықталды  

Ақтөбеде балалар мен жасөспірімдер спорт мектептерінің басшылары спорт алаңдары мен залдарды жалға беру қызметі үшін әуесқой спорт командаларынан алынған қаражатты ойынға тігіп жіберген, деп хабарлайды Orda.kz. 

Бас прокуратураның мәліметінше, соңғы 3 жылда Ақтөбе облысында кәсіби клубтарды дамытуға арналған шығыстар 2 есеге ұлғайтылған. Облыстан республикалық және халықаралық жарыстарға дайындалуға және қатысуға бюджеттен 13 млрд теңгеден астам қаржы бөлінген.

Спорт мектептерінің басшылары 6 млн теңгеден астам бюджет қаражатын заңсыз жұмсаған. 

Бұл қаражатты мектеп басшылары өз қажеттіліктеріне, соның ішінде букмекерлік кеңселерге жұмсаған.