Ақтөбеде аяз қалаға қатынайтын автобустардың қозғалысын тоқтатты

Садовое, Шилісай ауылдарының тұрғындары аязды күндері қоғамдық көліксіз қалғандарына шағымдануда.

Бұл туралы Orda.kz хабарлайды.

-30 градус суықта ауыл тұрғындары осындай күндері жиі бұзылатын көліктерді аялдамада күтуге мәжбүр. Оның үстіне, Садовое ауылының тұрғыны Раушангүл Абдуллина соңғы күндері көліктегі ақаулардан бөлек, қатып қалған дизель отынының мәселесі де ұшығып кеткенін айтады.

«Біз автобуссыз қалдық. Таңертең 07:40-та маршрут күтіп тұрсақ, көрші Шилісай ауылында тұрып қалып, істен шықты. Әрдайым автобус бұзылады немесе мүлде жүрмейді. Оларды күткен кезде, суықтан үсіп қалуыңыз мүмкін. Бұл өте қиын. Балалар сабаққа бара алмайды, олар үйден жеті жарымда шығып, таңғы 8-ге дейін күтті. Тоңғаннан үйге қайттық»,- дейді әйел.

Жиі бұзылатын автобустар қатынайтыны рас, ауыл тұрғындары олардың ескіргеніне шағымданады. Есіктердің жарықшақтарынан соққан желден көлік іші салқын, жолаушылардың аяғының дәл астында мұз қатады. Осындай жағдайда адамдар бір сағат көлік ішінде отырады. Раушангүл тұрғындардың қоғамдық көліктегі суықтан бүкіл отбасымен ауырып жатқанын айтады.

Жұртшылық әкімдік пен көлік компаниясы олардың мәселесін біліп, кем дегенде екі жайлы автобус береді деп үміттенеді.

Садовое мен Шилісайға автобус беретін «Автопарк» ЖШС бұл елді мекендерге жаңа автобустар беруді жоспарлап отырған жоқ. Онда тұрғындар аз дейді. Сонымен қатар олар көліктегі суықты  жолаушылардың аздығымен байланыстырады.

«Соңғы екі күнде автобустар күніне екі рет істен шықты, иә, бұл рас. Бірақ дизельдік отын қатып қалмады. Біз онда маршруттық тасымалдауды ауыстырдық. Біз автобустарды тексердік - есіктер қымталып жатыр. Жолаушылар аз болғандықтан көлік іші суық»,- дейді компания директоры Ақарыс Тілеулесов.