Ақтөбеде 2 ай ішінде 10 бала терезеден құлап кетті

Ақтөбеде 10 шілде мен 16 шілде күні екі бала терезеден құлап, бірі көз жұмды, екіншісі комада.

Бұл туралы "Диапазон" хабарлады.

Мамыр айынан бері Ақтөбеде 10 бала терезеден құлап кеткен. 10-шы шілде де екі жасар бала бес қабатты үйдің үшінші қабатынан "москит" торынан құлап кеткен. 16 шілдедегі мәлімет бойынша, бала жансақтау бөлімінде жатыр.

«Жансақтау бөліміне жатқызылды. Жағдайы өте ауыр, комада, дереу механикалық желдетуге ауыстырылды» деп хабарлады облыстық денсаулық сақтау басқармасының баспасөз қызметі.

15 шілдеде Маресьев көшесінде төрт жасар бала төртінші қабаттың терезесінен құлап кеткен.
Бала оқиға орнында көз жұмды.