Ақтөбеде 10 жастағы қыз көлікте тірідей жанып кетті

Ақтөбе облысы, Хромтау ауданы, Дон ауылында қайғылы оқиға болды. Үйдің ауласында тұрған ВАЗ маркалы автокөлікте 10 жастағы мектеп оқушысы тірідей жанып кетті. 

Бұл туралы «Менің қалам» порталы хабарлады.

Қыз бала көлік ішінен шыға алмаған.

«Көрші үйдің бейнебақылау камераларындағы жазбаға сәйкес, үйдің ауласында тұрған ВАЗ маркалы автокөліктен өздігінен өрт шыққан. Көліктің ішінде болған 10 жасар қыз бала қаза тапты. Оқиға кезінде ата-анасы үйде болған. Өрттің себебі анықталып жатыр»,  деп хабарлады полиция.

Қазіргі уақытта бала өліміне қатысты сотқа дейінгі тергеу басталып, қажетті сараптамалар тағайындалды.